Святы Айцец даў аўдыенцыю для Вялікага Герцага Люксембурга Анры і Вялікай Герцагіні Люксембурга Марыі-Тэрэзы, падчас якой абмяняўся з імі падарункамі і добрымі пажаданнямі.

Сустрэча, на якой прысутнічалі пяць дзяцей манаршай пары і трое ўнукаў, працягвалася паўгадзіны.

Суверэны Люксембурга падаравалі Пантыфіку сямейны партрэт з надпісам па-іспанску: «Нашаму Папу Францішку з павагай і любоўю ад усёй нашай сям'і».

Папа Францішак падараваў манархам медаль, адбітую ў гонар пантыфікату, копіі Апостальскай адгартацыі «Evangelii gaudium» і энцыклікі «Laudato si’».

СМІ паведамілі, што Пантыфік благаславіў сям'ю і папрасіў усіх маліцца за яго.

«Мы будзем, Святы Айцец, можаце быць упэўнены», — сказала Вялікая Герцагіня Марыя-Тэрэза, а Вялікі Герцаг падзякаваў Папу «за ўсё, што Пантыфік робіць для Касцёла і свету».

Англійская рэдакцыя Ватыканскага радыё  (АлГ)