8 красавіка ў Ватыкане будзе прадстаўлена Апостальская адгартацыя Папы Францішка «Amoris laetitia» (Радасць любові) аб любові ў сям’і. Яна з’яўляецца плёнам працы Сінода Біскупаў на тэму сям’і, пасяджэнні якога праходзілі ў Ватыкане ў 2014 і 2015 гадах.

У прэзентацыі дакумента прымуць удзел кардынал Ларэнца Балдзісэры, Генеральны сакратар Сіноду Біскупаў, кардынал Крыстаф Шонбарн, арцыбіскуп Венскі, сужэнская пара Франчэска Міяна і Джузэпіна Дэ-Сімонэ-ін-Міяна, універсітэцкія выкладчыкі з Рыма.

Прамая трансляцыя з Залы Друку Апостальскай Сталіцы будзе весціся на сайце Ватыканскага радыё на італьянскай, англійскай і іспанскай мовах.

8 красавіка тэкст Апостальскай адгартацыі з’явіцца на шасці мовах: італьянскай, французскай, англійскай, нямецкай, іспанскай і партугальскай.

«Amoris laetitia» стане другой апостальскай адгартацыяй Папы Францішка пасля «Evangelii gaudium», выдадзенай 24 лістапада 2013 г.

Паводле беларускай рэдакцыі Ватыканскага радыё,

(MV)