На канале Ватыканскага тэлецэнтра ў «YouTube» з’явіўся новы відэаролік, у якім Папа Францішак абвяшчае і тлумачыць свае малітоўныя інтэнцыі на красавік.

«Я дзякую табе, індывідуальны фермер. Тое, што ты робіш, — гэта вельмі важна для ўсяго чалавецтва. Як чалавек, дзіця Божае, ты заслугоўваеш годнага жыцця.

Але я пытаюся ў сябе: як узнагароджваецца твая праца? Зямля – гэта дар Божы. Несправядліва, калі яна выкарыстоўваецца ў інтарэсах нямногіх, пазбаўляючы большасць яе правоў і прыбытку.

Я хацеў бы, каб вы падумалі над гэтым і далучыліся да маіх малітваў у інтэнцыі: каб індывідуальныя фермеры атрымлівалі адэкватнае ўзнагароджанне за сваю каштоўную працу», — сказаў Святы Айцец.

Таксама ў красавіку Папа Францішак просіць маліцца ў яшчэ адной інтэнцыі — місійнай: «Каб хрысціяне ў Афрыцы засведчылі любоў і веру ў Езуса Хрыста пасярод палітычна-рэлігійных канфліктаў».

Паводле беларускай рэдакцыі Ватыканскага радыё (АлГ)