Разам з Папам Францішкам з вострава Лесбас у Рым прыляцелі тры сям’і бежанцаў з Сірыі — у агульнай колькасці 12 чалавек, з якіх шасцёра — непаўналетнія.

Гаворка ідзе пра людзей, якія знаходзіліся ў лагеры для бежанцаў на Лесбасе да заключэння пагаднення паміж Еўрапейскім Саюзам і Турцыяй. Ініцыятыва Пантыфіка была рэалізавана дзякуючы перамовам паміж Дзяржсакратарыятам, а таксама кампетэнтнымі органамі Грэцыі і Італіі.

Усе члены гэтых сем’яў з’яўляюцца мусульманамі: дзве паходзяць з Дамаску, адна — з Даір-эз-Заур. Іх дамы былі разбураны. Утрыманнем сем’яў у Рыме будуць займацца ватыканскія структуры і дабрачынная «Супольнасць св. Ігідзія».

Паводле беларускай рэдакцыі Ватыканскага радыё