12 мая Папа Францішак прыняў на аўдыенцыі ў Ватыкане японскага прынца Акісіна — малодшага сына імператара Японіі Акіхіта — і яго жонку прынцэсу Кіка. Сустрэча працягвалася каля 20 хвілін і завяршылася абменам памятнымі падарункамі.

Прынц і прынцэса ўручылі Пантыфіку фарфоравую японскую вазу і фотарамку, аздобленую скурай і гербам імператарскай сям’і. Папа Францішак падарыў сваім гасцям памятныя медалі і экземпляр сваёй энцыклікі «Laudato si'».

Святы Айцец падкрэсліў, што гэты дакумент утрымлівае заклік да абароны прыроды, што актуальна і для Японіі. Папа папрасіў прынца і прынцэсу перадаць прывітанне дзецям, якія засталіся ў Токіа.

Беларуская рэдакцыя Ватыканскага радыё,

(IL)