Падчас грамадзянскай вайны ў Іспаніі тысячы свецкіх і кансэкраваных асобаў былі забіты пад чырвоным сцягам таталітарнага секулярызму. 14 чэрвеня Папа Францішак ухваліў дэкрэты аб прызнанні мучаніцтва для беатыфікацыі больш за ста іспанцаў.

Падчас аўдыенцыі прэфект Кангрэгацыі па справах Кананізацыі кардынал Анжэло Амата прадставіў Папу Францішку дэкрэты адносна мучаніцтва для беатыфікацыі Слугі Божага Хасэ Альварэса Бенавідэса-і-дэ-ла Торэ і яго 114 паплечнікаў, якія былі забіты з нянавісці да каталіцкай веры паміж 1936 і 1938 гадамі.

З 1936 па 1939 гады ў Іспаніі ішла грамадзянская вайна паміж лева-секулярнымі сіламі і прыхільнікамі нацыянальна-хрысціянскіх каштоўнасцяў. Вайна скончылася перамогай апошніх.

Таксама Папа ўхваліў дэкрэты аб гераічнасці цнотаў Слуг Божых Антаніна Кірыла Стояна, арцыбіскупа Оламаўцкага (1851-1923), Вісентэ Гарыда Пастора, іспанскага святара і заснавальніка свецкай супольнасці Працаўніц Крыжа (1896-1975), Пабло Марыі Гузмана Фігуэра, мексіканскага святара і заснавальніка супольнасці Эўхарыстычных Місіянерак Найсвяцейшай Тройцы (1897-1967), манаха францішканіна Луіджы Ло Вэрдэ (1910-1932), манаха бэнэдыктынца Бэрнарда дэ Васкансэласа (1902-1932), с. Марыі Элізы Маліны, заснавальніцы Кангрэгацыі Сясцёр Панны Марыі з Гары Кармэль (1869-1931), с. Марыі Гізар Бараган, заснавальніцы супольнасці Гвадэлупскіх Слуг Хрыста Святара (1899-1973).

Zenit.org (АлГ)