15 чэрвеня Папа Францішак прыняў на аўдыенцыі ў Ватыкане прэм’ер-міністра Нідэрландаў Марка Рутэ. Затым палітык сустрэўся з Дзяржсакратаром Папы кардыналам П'етро Паралінам, якога суправаджаў сакратар па адносінах Апостальскай Сталіцы з дзяржавамі арцыбіскуп Пол Рычард Галахер.

У ходзе сардэчных размоваў былі адзначаны добрыя двухбаковыя адносіны паміж Нідэрландамі і Святым Пасадам. Суразмоўцы абмяркоўвалі пытанні, якія ўяўляюць агульную цікавасць для абедзвюх дзяржаў, у тым ліку міграцыю. Закраналіся таксама некаторыя праблемы міжнароднага характару.

Беларуская рэдакцыя Ватыканскага радыё