20 чэрвеня Пантыфік прыняў на аўдыенцыі былога Прэзідэнта Ізраіля Шымона Перэса. Палітык прыбыў у Ватыкан, каб «абмеркаваць праблемы міжнароднага тэрарызму і кровапраліцця ў імя рэлігіі, а таксама спосабаў устанаўлення міру на Блізкім Усходзе», гаворыцца ў паведамленні канцэлярыі былога кіраўніка ізраільскай дзяржавы.

Мінулы раз Папа Францішак і Перэс сустракаліся ў Ватыкане 8 чэрвеня 2014 г. з нагоды малітвы за мір у Святой Зямлі і ў свеце, якая праводзілася ў Ватыканскіх садах. У ёй таксама ўдзельнічалі Прэзідэнт Палесціны Махмуд Абас і Патрыярх Канстантынопальскі Барталамей І.

Шымону Перэсу 92 гады. Ён з’яўляецца найстарэйшым ізраільскім палітыкам. Прэзідэнцкі пост ён заўмаў з 2007 г. па 2014 г. Яго палітычная кар’ера доўжылася больш за 70 гадоў. Нягледзячы на сталы ўзрост, ён працягвае актыўна займацца грамадскай дзейнасцю.

Паводле беларускай рэдакцыі Ватыканскага радыё, (IL)