Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папа Францішак ахвяраў грашовыя сродкі для дзіцячай клінікі ў Афрыцы
Святы Айцец
08.02.2017 13:17

Папа Францішак перадаў 200 тысяч еўра на патрэбы педыятрычнай клінікі ў Бангі, сталіцы Цэнтральнаафрыканскай Рэспублікі. Грошы былі сабраны ад продажу дыскаў з дакументальным фільмам «Адкрываючы Ватыканскія музеі», знятага Ватыканскім тэлевізійным цэнтрам.

Дабрачынны праект атрымаў назву «Хрыстовая скрынка. Паміж мастацтвам і міласэрнасцю. Дар для Бангі» (Christo’s Box. Between Art and Mercy. A Gift for Bangui). DVD-дыскі ва ўнікальным футляры, выкананым у выглядзе скрынкі вядомым мастаком і скульптарам Хрыста Явашавым, былі выстаўлены на аўкцыёнах у Лондане, Турыне, Мілане і Рыме.

Папа Францішак наведваў педыятрычную клініку ў Бангі асабіста падчас свайго візіту ў Цэнтральнаафрыканскую Рэспубліку ў лістападзе 2015 г. З таго часу ў Ватыкане было рэалізавана некалькі дабрачынных ініцыятыў на карысць гэтай медыцынскай установы.

Беларуская рэдакцыя Ватыканскага радыё

 

Пры выкарыстанні матэрыялаў сайта спасылка на Catholic.By абавязкова.