Мітрапаліт Кракаўскі з’яўляецца адным з двух іерархаў, якія былі запрошаны ў вышэйзгаданае ватыканскае ведамства (першым у Папскую Раду па справах свецкіх увайшоў Мітрапаліт Мюнхена і Фрайзінга арцыбіскуп Рэйнхард Маркс). У Папскую Раду па справах свецкіх уваходзяць таксама 13 свецкіх асобаў з 11-ці краінаў свету.

Папскую Раду па справах свецкіх стварыў Папа Павел VI 6 студзеня 1967 г. З 4 кастрычніка 2003 г. яе старшынёю з’яўляецца польскі кардынал Станіслаў Рылка. Рада займаецца пытаннямі душпастырства і апостальства Касцёла сярод свецкіх, а таксама іх месца і ролі ў Касцёле. У яе межах дзейнічае аддзел па справах моладзі, асноўным заданнем якога з’яўляецца падрыхтоўка Сусветных дзён моладзі ў супрацоўніцтве з мясцовымі епіскапатамі.