Бургамістр абяцаў, што ў кастрычніку гг. распачнуцца, між іншым, працы па расшырэнні тратуара для асобаў, якія чакаюць уваходу ў Ватыканскія музеі. Гэтыя працы будуць працягвацца да свята Божага Нараджэння.

Акрамя таго, ізноў будуць уведзены прадпісанні па рэгуляванні руху аўтобусаў, якія абавязвалі падчас Юбілею 2000-годдзя хрысціянства. Штраф за паркоўку ў забароненым месцы павялічыцца ад цяперашніх 35 да 500 еўра. Будуць таксама праводзіцца частыя праверкі вулічных гандляроў, сярод якіх, як мяркуе біскуп Боккардо, могуць аказацца тэрарысты.