Ватыкан: новыя формулы на заканчэнне святой Імшы

Святы Айцец

21.10.2008 18:57

Апостальская Сталіца адобрыла новыя формулы на заканчэнне святой Імшы, якія 18 кастрычніка 2008 г. абвясціў прэфект Кангрэгацыі Божага Культу і Дысцыпліны Сакрамэнтаў кардынал Фрэнсіс Арынзэ. Прапанова дадаць некалькі альтэрнатыўных формул была ўнесена ў 2005 г. удзельнікамі сходу Сіноду Біскупаў. З прапанаваных 72 формул Святы Айцец выбраў тры. Яны былі змешчаны ў папраўленым выданні Імшалу, надрукаваным на мінулым тыдні. Альтэрнатыўныя формулы гучаць наступным чынам: —  «Ite ad evangelium Domini nuntiandum» («Ідзіце абвяшчаць Евангелле Пана») — «Ite in pace, glorificando vita vestra Dominum» («Ідзіце ў супакоі, праслаўляючы сваім жыццём Пана») — «Ite in pace, alleluja, alleluja» («Ідзіце ў супакоі, аллелюя, аллелюя»), якую можна выкарыстоўваць у Велікодны перыяд. Формула «Ite, missa est» («Ідзіце ў супакоі Хрыста») засталася нязменнай. Паводле матэрыялаў Ватыканскага радыё