Ватыкан: сонечныя батарэі на даху залы Паўла VI

Святы Айцец

25.11.2008 19:51

У сераду 26 лістапада 2008 г. у сядзібе Папскай Акадэміі Навук у Ватыканскіх садах адбудзецца ўрачыстае адкрыццё сонечных батарэй на даху залы Паўла VI. Ва ўрачыстасці, між іншым, прыме ўдзел італьянскі фізік, лаўрэат Нобелеўскай прэміі, Карла Руббіа. Дзякуючы сонечным батарэям, ацяпленне, кандыцыяніраванне паветра і асвятленне ў велізарнай зале Паўла VI — дзе, у прыватнасці, адбываюцца аўдыенцыі са Святым Айцом, — не будуць ужо залежаць ад электрасеткаў горада Рыма. Як адзначаецца ў спецыяльным паведамленні, дадзенае рашэнне мае на мэце «ахову прыроднай спадчыны стварэння» і сведчыць аб імкненні Бэнэдыкта XVI да рэалізацыі так званай «зялёнай культуры», заснаванай на этычных каштоўнасцях. Паводле матэрыялаў інфармацыйных агенцтваў