Гэта архіў старой версіі сайта. Новая версія знаходзіцца па адрасе catholic.by
| Армянская Апостальская Царква прапануе супольнае святкаванне Вялікадня |
| Святы Айцец |
| 27.11.2008 16:19 |
 Паводле паведамлення інфармацыйнага бюлетэня Армянскай Апостальскай Царквы, 25 лістапада 2008 г. Армянскі Каталікос Вялікага Дома Кілікійскага Арам І падчас сваёй сустрэчы з Бэнэдыктам XVI закрануў пытанне пра святкаванне Вялікадня ў адзін дзень усімі хрысціянамі, а таксама ўстанаўленне супольнага ўспаміну мучанікаў хрысціянства. Пры гэтым нагадваецца, што розніца датаў — вынік выкарыстання розных календароў хрысціянамі Усходу (юліянскі) і Захаду (грыгарыянскі). На думку Арама І, падобныя экуменічныя ініцыятывы паслужылі б дэманстрацыі адзінства ўсіх хрысціянаў. З такімі прапановамі выступіў Армянскі Каталікос Арам І падчас візіту ў Папскую раду спрыяння хрысціянскаму адзінству. «Ініцыятывы такога тыпу садзейнічалі б справе адзінства хрысціянаў і абудзілі б новы экуменічны энтузіязм на пачатковым узроўні — паміж асобнымі людзьмі», — сцвердзіў Арам І . Паводле матэрыялаў інфармацыйных агенцтваў
|
для друкуПры выкарыстанні матэрыялаў сайта спасылка на Catholic.By абавязкова.
Ватыканскае радыё