«Вельмі занепакоены выбухам насілля ў Бамбеі Святы Айцец просіць перадаць яго спачуванні, якія плывуць з самога сэрца, сем’ям тых, хто страціў жыццё падчас гэтых жорсткіх нападаў, запэўнівае аб сваёй духоўнай блізкасці з грамадскімі ўладамі, жыхарамі і ўсімі, хто пацярпеў», — чытаем ў тэлеграме.

Бэнэдыкт XVI заклікае пакласці канец «усім тэрарыстычным актам, якія з’яўляюцца сур’ёзнай пагрозай для сям’і чалавецтва і дэстабілізуюць супакой і салідарнасць, неабходныя для пабудовы цывілізацыі, годнай высакароднага паклікання чалавека да любові Бога і бліжняга».

Святы Айцец таксама запэўніў аб тым, што моліцца ў інтэнцыі «вечнага адпачынку душаў ахвяраў» і «просіць Бога аб моцы і суцяшэнні для параненых і тых, хто сёння ў жалобе».

Паводле апошніх дадзеных на 29 лістапада 2008 г. у Бамбеі загінуў 101 чалавек, з іх 6 іншаземцаў, а 287 асобаў былі паранены.

Паводле матэрыялаў інфармацыйных агенцтваў