«Вера — гэта не прадукт, не плён нашых разважанняў. Яна з’яўляецца чымсьці абсалютна новым, што не можам прыдумаць самі, а толькі атрымаць як дар», — сказаў Пантыфік. І падкрэсліў пры гэтым, што вера не нараджаецца дзякуючы чытанню, але перад усім — дзякуючы слуханню. «Ніхто не можа сам сябе ахрысціць ці іншым спосабам далучыць да ліку хрысціянаў. Чалавеку патрэбны чалавек. Менавіта супольнасць вернікаў ахвяруе нам дар веры. Праз хрост перадаецца вера ў Касцёле. Калі не дазволім гэтай супольнасці фармавацца, не станем хрысціянамі. „Незалежнае хрысціянства“ спрэчна само па сабе. Толькі Хрыстус можа будаваць Касцёл. Толькі Хрыстус — сапраўдны Даўца сакрамэнтаў», — адзначыў Святы Айцец.  

Узгадваючы навучанне святога Апостала Паўла Бэнэдыкт XVI звяртае ўвагу на тое, што збаўленне становіцца нашым лёсам з дапамогай Божай ласкі і веры. Апостал народаў казаў, што моцаю Божага слова вера нараджае новага чалавека, які праз хрост далучаецца да супольнасці Касцёла.

Паводле матэрыялаў інфармацыйных агенцтваў