Айцец Фэдэрыко Ламбардзі SI, кіраўнік прэс-службы Ватыкана, выказаў радасць у сувязі з абраннем новага Патрыярха Маскоўскага і ўсяе Русі Кірыла, а таксама ўпэўненасць у далейшым развіцці адносінаў паміж праваслаўнымі і католікамі.

Кіраўнік прэс-службы адзначыў, што ў Ватыкане добра ведаюць і паважаюць новага кіраўніка РПЦ. «Каталіцкі Касцёл з увагай і малітоўным удзелам сачыў за гэтым важным момантам у жыцці Рускай Праваслаўнай Царквы», — адзначыў афіцыйны прадстаўнік Ватыкана.

«Мы віншуем новага Патрыяха і жадаем яму найлепшага выканання свайго вельмі важнага служэння, — дадаў Фэдэрыко Ламбардзі. — Жадаем плённай працы, няспыннага руху па шляху ўзаемнага пазнання і супрацоўніцтва на карысць чалавецтва».