Раніцай 19 лютага 2009 г. Святы Айцец Бэнэдыкт XVI даў аўдыенцыю Гордану Браўну, прэм’ер-міністру Вялікабрытаніі. Пасля адбылася сустрэча прэм’ер-міністра з Дзяржаўным сакратаром Яго Cвятасці Папы Бэнэдыкта XVI кардыналам Тарчызіо Бэртонэ і адказным па сувязях з дзяржавамі пры Дзяржсакратарыяце біскупам Дамінікам Мамбэрці.

Як паведамляе Прэс-служба Апостальскай Сталіцы, сустрэчы адбыліся ў прыемнай атмасферы, што дазволіла сканцэнтравацца на сусветным крызісе, на абавязку багатых краінаў працягваць падтрымку краінаў менш развітых, а таксама дамовіцца аб супрацоўніцтве ў праектах, накіраваных на развіццё чалавека і ахову навакольнага асяроддзя.

Абодва бакі выказалі спадзяванне на тое, што міжнародная супольнасць адновіць свае намаганні ў вырашэнні існуючых канфліктаў, асаблівым чынам на Блізкім Усходзе.

Падчас сустрэчаў былі таксама закрануты некаторыя пытанні, звязаныя з каталіцкай супольнасцю ў Злучаным Каралеўстве.

Паводле матэрыялаў інфармацыйных агенгцтваў

Першая сустрэча Гордана Браўна з Бэнэдыктам XVI, люты 2007 г.