Кардынал Жозэ Сараіва Марцінш атрымаў вышэйшую ступень кардынальскай годнасці

Святы Айцец

25.02.2009 19:46

Кардынал Жозэ Сараів Марцінш    Кардынал Агостыно Валліні Святы Айцец Бэнэдыкт XVI узвысіў прэфекта Кангрэгацыі па справах Кананізацыі на пенсіі кардынала Жозэ Сараіву Марцінша да годнасці кардынала-біскупа, а Папскага вікарыя Рыма кардынала Агостыно Валліні — да годнасці кардынала-прэзбітэра. У Калегіуме кардыналаў існуе тры ступені кардынальскай годнасці: дыяканы, прэзбітэры і біскупы. Тэрміны «кардынал-прэзбітэр» і «кардынал-біскуп» упершыню выкарыстаў у VIII ст. папа Стэфан ІІ (768–772 гг.). Тэрмін «кардынал-дыякан» з’явіўся на чатыры стагоддзі пазней (1116 г.). Першапачаткова кардыналы-біскупы былі ардынарыямі дыяцэзій, якія знаходзіліся каля Рыма. У 1962 г. папа Ян XXIII змяніў гэтую традыцыю. Аднак і ў цяперашні час кардыналы, якія атрымліваюць вышэйшую ступень кардынальскай годнасці, адначасова ўзводзяцца на тытулярны пасад адной з суседніх з Рымам дыяцэзій. На сённяшні дзень у Калегіуме кардыналаў налічваецца 187 членаў, з якіх 71 кардынал ва ўзросце больш за 80 гадоў (гэта значыць, што яны не маюць права прымаць удзел у канклаве). Паводле матэрыялаў інфармацыйных агенцтваў