25 лютага 2009 г., у межах двухдзённага візіту кіраўніка знешнепалітычнага ведамства Рэспублікі Беларусь Сяргея Мартынава ў Італію і Ватыкан, адбыліся сустрэчы з Дзяржаўным сакратаром Яго Cвятасці папы Бэнэдыкта XVI кардыналам Тарчызіо Бэртонэ і адказным па сувязях з дзяржавамі пры Дзяржсакратарыяце Апостальскай Сталіцы біскупам Дамінікам Мамбэрці.

У шэрагу пытанняў быў абмеркаваны таксама і працэс рэалізацыі дамоўленасцяў, дасягнутых у выніку візіту кардынала Бэртонэ ў Беларусь у чэрвені 2008 г.

Падчас перамоваў у Рыме міністра замежных справаў Беларусі з Князем і Вялікім магістрам Мальтыйскага ордэна фра Мэцью Фесцінгам бакі абмеркавалі агульнаеўрапейскія пытанні, а таксама супрацоўніцтва ў гуманітарнай сферы.