Мітрапаліт Кандрусевіч перадаў Бэнэдыкту XVI Дакументы ІІ Ватыканскага Сабору на беларускай мове

Святы Айцец

17.03.2009 14:51

16 сакавіка 2009 г. у Рыме (Італія) Мітрапаліт Мінска-Магілёўскі арцыбіскуп Тадэвуш Кандрусевіч, які ў гэтыя дні прымае ўдзел у Пленарным пасяджэнні Кангрэгацыі па справах Духавенства, уручыў папу Бэнэдыкту XVI Дакументы ІІ Ватыканскага Сабору на беларускай мове. Святы Айцец з вялікай радасцю прыняў вестку пра выданне гэтых дакументаў. Між іншым, у сваёй прамове да ўдзельнікаў Пленарнага пасяджэння Пантыфік узгадваў вучэнне ІІ Ватыканскага Сабору. У размове з арцыпастырам беларускіх католікаў Бэнэдыкт XVI узгадаў Касцёл на Беларусі, а таксама выказаў радасць з прычыны яго адраджэння і развіцця. Мітрапаліт Тадэвуш уручае Святому Айцу першае выданне Дакументаў ІІ Ватыканскага Сабору на беларускай мове    Святы Айцец выказвае радасць з прычыны адраджэння і развіцця Касцёла ў Беларусі   Бэнэдыкт XVI прамаўляе некалькі цёплых словаў на развітанне і благаслаўляе Мітрапаліта Кандрусевіча на далейшую пастырскую працу ў Беларусі