Паштовая марка ў гонар першага візіту Бэнэдыкта XVI у Афрыку

Святы Айцец

25.03.2009 21:07

Ватыканская пошта выпусціла ў абарот памятную паштовую марку ў гонар візіту Святога Айца Бэнэдыкта XVI у Афрыку, які адбыўся 17–23 сакавіка 2009 г. На марцы змешчаны надпіс на лацінскай мове «Benedictus XVI Camaruniam Angoliam adit» і даты візіту Папы на фоне яго партрэта і карты Афрыкі, на якой адзначаны Камерун і Ангола, дзе пабываў Пантыфік. Гісторыя Ватыканскай пошты, якая выдае ўласныя паштовыя маркі, афіцыйна пачынаецца з моманту заснавання Горада Дзяржавы Ватыкан (1929 г.). 1 чэрвеня таго ж года Ватыкан стаў членам Сусветнага паштовага саюза, а з 1 жніўня ўступіла ў моц дамоўленасць паміж Ватыканам і Італіяй пра дастаўку пошты праз Рым. У гэты ж дзень у абароце з’явіўся першы стандартны выпуск паштовых марак Ватыкана. На думку прадстаўнікоў Сусветнага паштовага саюза, паштовая служба Ватыкана з’яўляецца «адной з найлепшых паштовых сістэмаў у свеце». У пераліку на аднаго жыхара з тэрыторыі Ватыкана адпраўляецца большая колькасць лістоў, чым адкуль-небудзь яшчэ ў свеце. Паводле матэрыялаў procatholic.ru