Святы Айцец звярнуўся да найбольш развітых краінаў свету з заклікам вярнуцца да этычных асноваў фінансавай палітыкі, а таксама прыняць пад увагу патрэбы бяднейшых краінаў, асабліва Афрыкі. З такімі заахвочваннямі Святы Айцец скіраваў ліст да брытанскага прэм’ер-міністра Гордана Брауна з нагоды сустрэчы лідэраў краінаў «Вялікай дваццаткі», якая распачнецца 2 красавіка 2009 г. у Лондане.

У сваім лісце Пантыфік звяртае ўвагу на тое, што «ўсе сродкі, якія вядуць да крызісу, павінны быць скіраваны на гарантаванне стабільнасці сем’ям і працаўнікам, каб праз адпаведнае ўрэгуляванне вярнуць фінансаваму свету этычныя прынцыпы».

Бэнэдыкт XVI заклікае лідэраў «Вялікай дваццаткі» да аналізу прычынаў сучаснага фінансавага крызісу, звязаных з крызісам маральнасці. «Крызіс вучыць нас, што этыка не з’яўляецца чымсьці знешнім у адносінах да эканомікі, але ўнутраным, і што гаспадарка не можа правільна функцыянаваць, калі не мае этычнага кампанента», — падкрэслівае ў сваім лісце Святы Айцец.