Святы Айцец Бэнэдыкт XVI 15 красавіка 2009 г. даў прыватную аўдыенцыю старшыні Арганізацыі па бяспецы і супрацоўніцтву ў Еўропе (АБСЕ) Марка Перэна дэ Брышамбо.

З 1975 г. Ватыкан з’яўляецца членам АБСЕ, заснавай у Хельсінках 56-ю дзяржавамі Еўропы, Паўночнай Амерыкі і Цэнтральнай Азіі.

Падчас сустрэчы з Папам было закранута пытанне рэлігійнай талерантнасці ў краінах — удзельніцах АБСЕ. У апошнія гады Апостальская Сталіца неаднаразова выказвала неспакой па прычыне актаў дыскрымінацыі і недахопу талерантнасці ў адносінах да хрысціянаў у дадзеных краінах.

Упершыню ў сакавіку 2009 г. АБСЕ арганізавала ў Вене (Аўстрыя) канферэнцыю на тэму: «Недахоп талерантнасці і дыскрымінацыі хрысціянаў». У ёй удзельнічала звыш 60 прадстаўнікоў ад дзяржаваў, універсітэтаў і кансультацыйных фірмаў. У межах АБСЕ былі таксама прыняты ініцыятывы супраць актаў неталерантнасці да вызнаўцаў ісламу і юдаізму.

У аўторак 15 красавіка Марк Перэн дэ Брышамбо сустрэўся таксама з адказным па сувязях з дзяржавамі пры Дзяржсакратарыяце Апостальскай Сталіцы арцыбіскупам Дамінікам Мамбэрці.