Беларусь і Ватыкан плануюць падпісаць пагадненне аб супрацоўніцтве

Святы Айцец

27.04.2009 18:29

Беларусь і Ватыкан плануюць падпісаць пагадненне аб супрацоўніцтве. Падрабязнасці падпісання дакумента абмяркоўваліся сёння, 27 красавіка 2009 г., падчас сустрэчы Прэзідэнта Беларусі Аляксандра Лукашэнкі з Дзяржаўным сакратаром Яго Святасці папы Бэнэдыкта XVI кардыналам Тарчызіо Бэртонэ.   Пра гэта паведаміў намеснік міністра замежных справаў, надзвычайны і паўнамоцны пасол Рэспублікі Беларусь пры Апостальскай Сталіцы Сяргей Алейнік. Па словах Сяргея Алейніка, бакі выказалі ўзаемную зацікаўленасць у актывізацыі супрацоўніцтва ў такіх галінах, як навука, культура, архіўная і бібліятэчная справа. Кардынал Тарчызіо Бэртонэ выказаў задавальненне развіццём двухбаковага супрацоўніцтва паміж Беларуссю і Ватыканам, а таксама падзякаваў беларускаму лідэру за садзейнічанне Рыма-каталіцкаму Касцёлу ў Беларусі. Паводле матэрыялаў БелТА