Бэнэдыкт XVI моліцца за ахвяраў эпідэміі грыпу ў Мексіцы

Святы Айцец

04.05.2009 16:36

Бэнэдыкт XVI звярнуўся са словамі падтрымкі да ахвяраў эпідэміі грыпу ў Мексіцы і іншых краінах свету. Святы Айцец заклікаў мексіканскіх католікаў да малітвы ў гэтыя цяжкія хвіліны і запэўніў, што Бог дапаможа перамагчы ўсе цяжкасці. «Я жадаю выказаць сваю блізкасць і запэўніць у малітве за ахвяраў грыпу, з якім сутыкнулася Мексіка і іншыя краіны. Дарагія браты мексіканцы, трывайце моцна ў Пану. Ён дапаможа вам перамагчы гэтыя цяжкасці. Заклікаю вас да малітвы ў сем’ях у хвіліны гэтага выпрабавання. Маці Божая Гвадэлупская заўсёды з вамі і аберагае вас», — сказаў Пантыфік на іспанскай мове падчас малітвы «Regina Caeli» 3 мая 2009 г. на плошчы Святога Пятра ў Ватыкане.