Ксёндз Фэдэрыко Ламбардзі: папская пілігрымка ў Святую Зямлю — акт вялікай надзеі і адвагі

Святы Айцец

05.05.2009 16:32

Кіраўнік прэс-службы Апостальскай Сталіцы кс. Фэдэрыко Ламбардзі SJ адзначыў, што папская пілігрымка ў Святую Зямлю «з’яўляецца актам надзеі і даверу Папы, які зможа далучыцца да будавання супакою і паяднання». «Мне здаецца, што гэта даволі адважнае рашэнне. Думаю, што ў часы крызісу ў Сектары Газа многія з нас задавалі сабе пытанне: адбудзецца гэтая пілігрымка ці не. Тое, што яна была пацверджана, з’яўляецца цудоўным сведчаннем зацікаўленасці ў абвяшчэнні паслання супакою і паяднання таксама ў складаных сітуацыях», — падкрэсліў кс. Фэдэрыко. У Святую Зямлю Пантыфіка будуць суправаджаць кардынал Леанардо Сандры (прэфект Кангрэгацыі па справах Усходніх Касцёлаў), кардынал Вальтэр Каспер (старшыня Папскай рады спрыяння хрысціянскаму адзінству) і кардынал Жан-Луі Таран (старшыня Папскай рады па міжрэлігійным дыялогу).