Новы сакратар Кангрэгацыі па справах Усходніх Касцёлаў

Святы Айцец

07.05.2009 19:10

Славацкі езуіт кс. Кірыл Васіль быў прызначаны новым сакратаром Кангрэгацыі па справах Усходніх Касцёлаў. Адначасова Бэнэдыкт XVI узвысіў яго да годнасці арцыбіскупа. Да гэтага часу кс. Кірыл Васіль быў рэктарам Папскага Усходняга інстытута. У 2002 г. ксёндз Кірыл Васіль быў прызначаны дэканам Кананічнага права Усходніх Касцёлаў і прарэктарам Папскага Усходняга інстытута, а ў маі 2007 г. — рэктарам гэтай установы. З’яўляецца кансультантам Кангрэгацыі па справах Усходніх Касцёлаў, Кангрэгацыі Веравучэння, а таксама Папскай рады пастырства эмігрантаў і падарожнікаў. У 2005 г. з’яўляўся экспертам сходу Сіноду Біскупаў. Новапрызначаны сакратар ватыканскага ведамства таксама з’яўляецца прафесарам Папскага Грыгарыянскага універсітэта ў Рыме і тэалагічнага аддзялення Універсітэта ў Братыславе і Трнаве (Славакія). Акрамя славацкай мовы арцыбіскуп Кірыл Васіль валодае лацінскай, італьянскай, англійскай, рускай, украінскай, французскай, нямецкай, іспанскай, грэцкай і стараславянскай мовамі.