Бэнэдыкт XVI заахвочвае да малітвы ў інтэнцыі саміту «Вялікай васьмёркі»

Святы Айцец

08.07.2009 19:18

Да малітвы ў інтэнцыі саміту «Вялікай васьмёркі», які распачаўся 8 ліпеня 2009 г. у Аквіле (Італія), заклікаў Святы Айцец Бэнэдыкт XVI у гэты ж дзень падчас агульнай аўдыенцыі ў Ватыкане. «Няхай  гэты важны сусветны саміт прынясе рашэнні і парады, якія будуць служыць сапраўднаму прагрэсу ўсіх народаў, асабліва самых бедных», — заклікаў Святы Айцец. У саміце «Вялікай васьмёркі» прымаюць удзел кіраўнікі Расіі, ЗША, Італіі, Вялікабрытаніі, Францыі, Германіі, Японіі і Канады. На саміце будуць узняты пытанні адносна наступстваў фінансавага крызісу, барацьбы з тэрарызмам, зменаў клімату і харчовай бяспекі.