На Божае Нараджэнне з’явіцца музычны альбом Святога Айца

Святы Айцец

07.08.2009 12:40

Плануецца, што на свята Божага Нараджэння свет убачыць музычны альбом, запісаны Бэнэдыктам XVI. Дыск будзе мець назву «Alma Mater». На ім будуць змешчаны запісы малітваў на італьянскай, партугальскай, французскай і нямецкай мовах у выкананні Папы. Малітвы Пантыфіка будуць гучаць пад акампанемент васьмі арыгінальных твораў сучасных кампазітараў з Вялікабрытаніі, Італіі і Паўночнай Афрыкі. Назвы музычных твораў і прозвішчы іх аўтараў пакуль што не паведамляюцца, аднак вядома, што некаторыя кампазіцыі былі запісаны Каралеўскім філарманічным аркестрам (Royal Philharmonic Orchestra) на славутай студыі «Abbey Road». У крамах дыск з’явіцца 30 лістапада гг. Частку сродкаў, атрыманых з іх продажу, гуказапісная кампанія Geffen Records плануе накіраваць на навучанне музыцы бедных дзяцей ва ўсім свеце.