Бэнэдыкт XVI сустрэнецца са сваімі былымі студэнтамі

Святы Айцец

20.08.2009 20:04

«Місія ў перспектыве экуменізму» — такою будзе тэма сёлетняй сустрэчы Святога Айца Бэнэдыкта XVI са сваімі былымі студэнтамі ў Кастэльгандольфа (прыгарад Рыма). Семінар будзе праходзіць з 28 па 31 жніўня 2009 г., на заканчэнне якога Пантыфік узначаліць цэлебрацыю святой Імшы. Па традыцыі сустрэча будзе адбывацца пры зачыненых дзвярах. У ёй, між іншым, прыме ўдзел кардынал Крыстаф Шонбарн, арцыбіскуп Венскі. У мінулым годзе тэмаю дыскусіі была кніга Бэнэдыкта XVI «Езус у Назарэце». Ян Павел ІІ падчас прабывання ў летняй рэзідэнцыі ў Кастэльгандольфа таксама арганізоўваў сустрэчы і семінары з удзелам сваіх былых студэнтаў і сяброў-навукоўцаў.