Гэта архіў старой версіі сайта. Новая версія знаходзіцца па адрасе catholic.by
Цэтлік [Папскія пасланні]
Галоўны рэдактар выдання Апостальскай Сталіцы «L’Osservatore Romano» Джаванні Марыя Віян у чарговым нумары каментуе папскае пасланне на найбліжэйшы Сусветны дзень міру. У ім, як адзначаецца, гучыць водгук лацінскага выслоўя «si vis pacem para bellum» («хочаш міру — рыхтуйся да вайны»).
Пра значэнне цярплівасці і вытрываласці ў жыцці чалавека казаў Святы Айцец Бэнэдыкт XVI падчас агульнай аўдыенцыі ў нядзелю 12 снежня 2010 г. Пасля малітвы «Анёл Панскі» Пантыфік удзяліў апостальскае благаслаўленне і звярнуўся да прысутных на італьянскай, французскай, англійскай, нямецкай, іспанскай, партугальскай, венгерскай і польскай мовах.
«Святы Айцец з глыбокім болем сочыць за сур’ёзнымі сутыкненнямі і актамі насілля, да якіх дайшло ў Рыа дэ Жанейра, у прыватнасці ў фавелах „Vila Cruzeiro“, — піша да мясцовага арцыбіскупа Дзяржсакратар Яго Святасці папы Бэнэдыкта XVI кардынал Тарчызіо Бэртонэ. Іерарх запэўнівае таксама ў малітве Пантыфіка за ахвяраў сутыкненняў і іх сем’і. 
Аб абавязку абароны жыцця ад зачацця да натуральнай смерці як аб прыярытэце дзейнасці ўрадаў і міжнародных арганізацый нагадаў Святы Айцец Бэнэдыкт XVI у пасланні да ўдзельнікаў 25-й Міжнароднай канферэнцыі, якая распачалася 18 лістапада 2010 г. у Ватыкане. Сустрэча, якая праходзіць пад дэвізам «„Caritas in veritate“ — аб роўным і чалавечным клопаце пра здароўе», арганізавана Папскай радай пастырства работнікаў службы аховы здароўя.
На неабходнасць шанавання правоў невялікай каталіцкай супольнасці ў Іране і будавання добрых узаемаадносін звярнуў увагу Святы Айцец Бэнэдыкт XVI у лісце да Прэзідэнта гэтай краіны Махмуда Ахмадзінеджада. Папа выказаў задавальненне з прычыны стварэння двухбаковай камісіі, якая зоймецца вырашэннем праблем, што з’яўляюцца прадметам зацікаўленасці абодвух бакоў.
11 лістапада 2010 г. у Сеуле (Паўднёвая Карэя) распачынаецца саміт G-20 — сустрэча лідэраў краін, якія прадстаўляюць 20 буйнейшых эканомік свету. З нагоды саміту Святы Айцец Бэнэдыкт XVI скіраваў пасланне да Прэзідэнта краіны Лі Мён Бака.
У наступны чацвер, 11 лістапада 2010 г., у Прэс-цэнтры Апостальскай Сталіцы адбудзецца прэзентацыя паслясінадальнай адгартацыі Бэнэдыкта XVI «Verbum Domini», якая падсумоўвае XII Пасяджэнне Звычайнага Сіноду Біскупаў, што адбыўся ў лістападзе 2008 г. на тэму «Божае слова ў жыцці і місіі Касцёла».
31 кастрычніка 2010 г. каталіцкую катэдру ў Багдадзе захапілі тэрарысты. 1 лістапада ў выніку штурму святыні сіламі іракскіх спецслужбаў загінулі 52 асобы, сярод якіх два святары. Больш за 50 чалавек паранены. У выніку спецаперацыі большасць заложнікаў удалося выратаваць, усе тэрарысты былі забіты.
Падчас сённяшняй агульнай аўдыенцыі Святы Айцец Бэнэдыкт XVI прывітаў навучэнцаў і прафесарўў Вышэйшай духоўнай семінарыі ў Гродне. Прыбылі яны ў Вечны горад з нагоды 20–й гадавіны сваёй навучальнай установы. Разам з імі прыехаў біскуп Гродзенскі Аляксандр Кашкевіч.
Як паведамляе Апостальская нунцыятура ў Кіеве, Святы Айцец Бэнэдыкт XVI накіраваў віншавальнае пасланне з нагоды 19-га Дня Незалежнасці Украіны, які адзначаўся 24 жніўня 2010 г., на імя Прэзідэнта Віктара Януковіча.
«Толькі Бог сапраўды можа супакоіць сэрца чалавека», — падкрэсліў Святы Айцец Бэнэдыкт XVI у пасланні на ХХХІ Мітынг любові народаў, які распачаўся 22 жніўня 2010 г. у Рыміні (Італія). Папа заклікаў удзельнікаў гэтага мерапрыемства сведчыць у сучасным свеце аб тым, што вялікія рэчы, якіх прагне сэрца чалавека, можна знайсці толькі ў Богу.
«Брат Ражэ даў сведчанне экуменізму святасці. Няхай яно будзе для нас натхненнем на шляху да еднасці», — адзначаецца ў пасланні Святога Айца Бэнэдыкта XVI экуменічнай супольнасці ў Тэзэ (Францыя) з нагоды 70-й гадавіны яе стварэння і 5-й гадавіны смерці стваральніка супольнасці, брата Ражэ. Ад імя Папы пасланне накіраваў Дзяржаўны сакратар Яго Святасці кардынал Тарчызіо Бэртонэ.
«Святы Айцец перакананы, што перад абліччам…атак на Касцёл і яго прадстаўнікоў найбольш паспяховым адказам будзе большая вернасць Божаму слову, больш рашучае імкненне да святасці і большы ўдзел усіх вернікаў у справах міласэрнасці ў праўдзе», — гаворыцца ў пасланні, скіраваным ад імя папы Бэнэдыкта XVI праз кардынала Тарчызіо Бэртонэ вярхоўнаму Рыцару руху Рыцараў Калумба, Карлу Андэрсану. З 3 па 5 жніўня 2010 г. у Вашынгтоне (ЗША) праходзіць 128-я Канвенцыя найбуйнейшай супольнасці свецкіх католікаў.
Пра неабходнасць сувязі свабоды з праўдай нагадаў сёння, 7 ліпеня 2010., Святы Айцец Бэнэдыкт XVI падчас традыцыйнай агульнай аўдыенцыі. Прадметам катэхезы Пантыфіка стала асоба выдатнага сярэднявечнага тэолага XIII ст. францішканіна Яна Дунса Скота. 
19 красавіка 2010 г. — пятая гадавіна Пантыфікату Святога Айца Бэнэдыкта ХVI. За гэты час Папа здзейсніў 13 замежных падарожжаў, падчас якіх наведаў 15 дзяржаў. 26 разоў Святы Айцец падарожнічаў па Італіі і наведаў 11 рымскіх парафій. 
Святы Айцец Бэнэдыкт XVI выказаў свае спачуванні ў сувязі з авіякатастрофай пад Смаленскам у Расіі, якая забрала жыццё Прэзідэнта Польшчы Леха Качыньскага, яго жонкі, а таксама яшчэ 95 чалавек, якія былі на борце самалёта.
Падчас агульнай аўдыенцыі, якая адбылася 17 сакавіка 2010 г. на плошчы Святога Пятра ў Ватыкане, Святы Айцец Бэнэдыкт XVI адзначыў, што ў найбліжэйшую пятніцу, 19 сакавіка, падпіша пастырскі ліст да Каталіцкага Касцёла ў Ірландыі. Акрамя гэтага, Папа павіншаваў прысутных на плошчы пілігрымаў з Ірландыі з нагоды ўрачыстасці апекуна краіны, святога Патрыка, якая адзначаецца сёння.Усяго 161 матэрыялаў адзначана цэтлікам Папскія пасланні.
Пры выкарыстанні матэрыялаў сайта спасылка на Catholic.By абавязкова.
