Шаркаўшчына — парафія Узвышэння Святога Крыжа |
| Фота А. Дыбоўскага | Адрас: вул. Савецкая, 5 в. Шаркаўшчына Шаркаўшчынскі р-н Віцебская вобл. Рэспубліка Беларусь 211921
Тэл.: +375 2154 60338 ыРасклад набажэнстваў (магчымы змены)
- Св. Імша ў нядзелю — 10.00, 12.00, 17.00
- Св. Імша ў будні — 09.30, 18.00
Адпусты: свята Узвышэння Святога Крыжа чЗ гісторыі парафіі
Шаркаўшчына набыла статус раённага цэнтра пасля ІІ Сусветнай вайны. Калісьці горад быў уласнасцю Зяновічаў, Сапегаў, Данброўскіх і Лапацінскіх, тады тут налічвалася 1150 жыхароў.
Дакладная дата ўзнікнення парафіі невядомая. Магчыма, што яна была зарэгістравана ў 1905–1907 гг., калі быў выдадзены дэкрэт аб свабодзе веравызнання. Ксёндз Ян Курчэўскі прыводзіць 1907 г. як дату збудавання касцёла ў Шаркаўшчыне. У 1914–1920 гг. у парафіі налічвалася 2600 чалавек. З 1932 г. яна ўваходзіла ў склад Мёрскага дэканата (дзекан кс. Рамуальд Свіркоўскі). Парафія абслугоўвала Шаркаўшчыну, 57 навакольных вёсак і ўскраіны. У чэрвені 1914 г. мясцовасць трапіла пад нямецкую акупацыю, але касцёл дзейнічаў. Вайна прынесла вялікія страты: шмат людзей загінула альбо было вывезена ў Германію. У часы савецкай улады распачаўся пераслед вернікаў. У 1947 г. пробашча арыштавалі і вывезлі ў Сібір, шмат людзей польскай нацыянальнасці вывезлі ў Казахстан. Аднак, нягледзячы на гэта, парафіяне збіраліся ў касцёле і праводзілі набажэнствы. Гэта не падабалася ўладам, і ў 1949 г. касцёл зачынілі.
У 1989 г. у Мосары кс. пробашч Юзаф Булька адправіў св. Імшу ў інтэнцыі адраджэння парафіі ў Шаркаўшчыне. У 1991 г. вернікі з Шаркаўшчыны і ваколіцаў звярнуліся да мясцовых уладаў з просьбай аб рэгістрацыі рыма-каталіцкай парафіі, але атрымалі адмову. Аднак, пасля вялікіх намаганняў, 18 ліпеня 1991 г. былі зарэгістраваны парафія і касцёльны камітэт.
Парафія Узвышэння Святога Крыжа існуе няшмат гадоў. На месцы, вызначаным уладамі, парафіяне пабудавалі спачатку капліцу, у якой 21 ліпеня 1991 г. была адпраўлена першая св. Імша. У жнівені 1992 г. пачалося будаўніцтва касцёла. Работамі кіраваў тагачасны пробашч кс. Крыштаф Сілкоўскі SCJ. Касцёл быў пабудаваны ў 1995 г. Кожную нядзелю адпраўляюцца дзве св. Імшы: па-беларуску і па-польску.
На тэрыторыі парафіі, у Ёдах, за 20 км ад Шаркаўшчыны, знаходзіцца капліца пад тытулам Маці Божай Шкаплернай нядаўна тут была зарэгістравана парафія. Капліца знаходзіцца ў добрым стане, месціцца ў драўляным будынку, але парафіяне мараць аб адбудове прыгожага касцёла, які калісьці стаяў непадалёк ад школы, а пасля быў знішчаны.
|
Павяцце — парафія Маці Божай Фацімскай |
| Фота Дз. Салаша |
Адрас: вул. Маладзёжная а.г. Павяцце Мёрскі р-н Віцебская вобл. Рэспубліка Беларусь 211939 тэл.: +375(2152)32301
фРасклад набажэнстваў (магчымы змены)
- Св. Імша ў нядзелю — 11.00;
- Св. Імша ў будні — 18.00, у суботу — 10.00
Адпусты: Маці Божай Фацімскай – 13 мая фЗ гісторыі парафіі
Парафія ўтворана некалькі гадоў таму, калі кс. Антоні Лось, марыянін, разам з парафіянамі пабудаваў касцёл, спалучаны з плябаніяй. Цяпер парафіяй апякуюцца кс. марыяне з Друі.
|
Новы Пагост — парафія Найсвяцейшай Тройцы |
| Фота А. Дыбоўскага |
Адрас: вул. Дзяржынскага, 23а (касцёл) вул. Дзяржынскага, 27а (плябанія) в. Новы Пагост Мёрскі р-н Віцебская вобл. Рэспубліка Беларусь 211936
Тэл.: (8–02152) 54 6 13 ф Расклад набажэнстваў (магчымы змены) - Св. Імша ў нядзелю — 10.00
- Св. Імша ў будні — 18.00, зімой — у 17.00
Адпусты: урачыстасць Найсвяцейшай Тройцы; успамін св. Францішка – 17 верасня; Маці Божай Шкаплернай – 16 ліпеняфЗ гісторыі парафіі
Першы касцёл у Новым Пагосце быў фундаваны Львом Сапегам, канцлерам Вялікага Княства Літоўскага. У 2003 г. мінула 410 гадоў з таго часу. Гэта драўляная святыня пад тытулам Найсвяцейшай Тройцы знаходзілася ў мястэчку Пагост. Касцёл спалілі маскоўскія войскі падчас войнаў пры каралі Яну Казіміру, аднак ён быў хутка адбудаваны, у 1656 г. быў ужо новы, але таксама драўляны. Прастаяў каля 100 гадоў. На плябанію ў Пагосце Сапега аддаў свой двор з усімі пабудовамі. Для касцёлаў у Іказні і Пагосце прызначаўся адзін пробашч – іказненскі плябан, а касцёл у Пагосце быў філіяльным ад іказненскага да 1766 г.
У 1766 г. пабудавалі новы драўляны касцёл. Ён быў невялікі, на мураваным падмурку, атрымаў тытул Найсвяцейшай Тройцы. У галоўным алтары знаходзіліся тры срэбраныя кароны. У адным з бакавых алтароў размяшчаны абраз Маці Божай Балеснай, а ў другім — св. Антонія. Навокал касцёла былі могілкі. Будаўнік гэтай святыні кс. Пясляк дабіўся ад тагачаснага віленскага біскупа адасаблення Пагосту ад Іказні і стаў першым пробашчам у Пагосце. Віленскі біскуп Ігнацы Якуб Масальскі дэкрэтам ад 14.07.1766 г. устанавіў самастойную парафію Пагост.
Аднак ужо да 1845 г. касцёл пачаў ператварацца ў руіны і патрабаваў значнага рамонту. У 1859 г. яго адрэстаўраваў і павялічыў пробашч кс. Ян Шырын. Гэтая святыня захавалася да нашых дзён. Пасля арышту савецкімі ўладамі кс. пробашча Юзафа Інгелевіча ў 1949 г. касцёл зачынілі. Спачатку ў ім быў склад збожжа, пасля – спартыўная зала. І толькі ў 1990 г. святыню аддалі вернікам. 15 мая 1990 г. біскуп Эдвард Кісель з Беластока, нараджэнец мясцовай парафіі, у прысутнасці кс. біскупа Тадэвуша Кандрусевіча, Адміністратара Касцёла на Беларусі, і біскупа Эдварда Азароўскага з Беластока ўрачыста асвяціў касцёл.
На тэрыторыі парафіі таксама знаходзяцца капліца пад тытулам Беззаганнага Зачацця НПМ у Більдзюгах, у в. Валкаўшчына, найстарэйшая — пабудавана ў 1750 г. — драўляная капліца пад тытулам св. Міхала ў маёнтку Стэфанова (пазней належала да Шауманаў).
|
Мёры — парафія Унебаўзяцця Найсвяцейшай Панны Марыі |
| Фота А. Дыбоўскага | Адрас: вул. Паштовая, 11 г. Мёры Мёрскі р-н Віцебская вобл. Рэспубліка Беларусь 211287
Тэл./факс: (8–02152) 41083 (касцёл); (8–02152) 41836 (канцылярыя) (8–02152) 49555 (факс) вРасклад набажэнстваў (магчымы змены) - Св. Імша ў нядзелю — 08.00, 10.00, 12.00, 18.00
- Св. Імша ў будні — 08.00, 19.00 (з кастрычніка па май – 18.00)
Адпусты: урачыстасць Унебаўзяцця Найсвяцейшай Панны Марыі – 15 жніўня; урачыстасць св. Язафата Кунцэвіча, біскупа і мучаніка – 12 лістапада ыЗ гісторыі парафіі
Парафія Унебаўзяцця Найсвяцейшай Панны Марыі і св. Язафата Кунцэвіча, біскупа і мучаніка, у Мёрах мае касцёл, пабудаваны ў 1907 г. кс. Юзафам Бародзічам на месцы старой драўлянай капліцы. Вельмі прыгожы касцёл пад тытулам Унебаўзяцця Найсвяцейшай Панны Марыі стаіць на беразе возера ў паўднёвай частцы горада. Ён мае памеры 35,5х21 м. З’яўляецца помнікам архітэктуры. Па некаторых дадзеных, тут быў касцёл яшчэ ў XVI ст. З тэстамэнту Наталлі Мёрскай вядома, што праваслаўная царква ў Мёрах была першай святыняй, якая ў 1641 г. атрымала багаты фундуш ад тагачаснага ўладальніка мясцовасці браслаўскага суддзі Себасцьяна Святаполк-Мірскага. Праз тры гады суддзя заснаваў пры царкве праваслаўны манастыр, але ў 1690 г. сын Себасцьяна Міхал адабраў яго у праваслаўных і перадаў уніятам базыльянам. Гэта стала прычынай дыпламатычнага ўмяшальніцтва цара Пятра Вялікага, які дабіваўся ад караля Аўгуста Моцнага вяртання аб’екта папярэднім уладальнікам, але безвынікова. У 1728 г. царкву замянілі на каталіцкі касцёл, а кляштар прынялі канонікі рэгулярныя. Кляштар быў скасаваны царскімі ўладамі ў 1832 г. Пасля студзеньскага паўстання сам віленскі губернатар Мураўёў загадаў адабраць у католікаў і касцёл. На шчасце, губернатара перавялі на іншую пасаду і рыма-каталіцкая святыня ў Мёрах засталася, а ў 1907 г. яе замяніла новая, мураваная, якая існуе і дагэтуль.
Мёрскі касцёл – гэта вельмі прыгожая трохнавая неагатычная пабудова з чырвонай цэглы, з пяцігранным прэзбітэрыем і адной закрыстыяй. Дамінантай гмаху касцёла з’яўляюцца дзве высокія вежы, накрытыя спічастымі дахамі. Сцены ўзмоцнены масіўнымі ступеньчатымі контрфорсамію. Фасады аздобленыя парталам, разеткай і вузкімі стральчатымі нішамі. У бочныя сцены святыні звонку ўмураваны надмагільныя дошкі князёў Святаполк-Мірскіх, уладальнікаў маёнтка Каменпаль, які знаходзіўся непадалёк. Касцёл быў асвечаны ў тым жа годзе, што і пабудаваны кс. Юзафам Бародзічам.
Пасля ІІ Сусветнай вайны, у 1951 г., святыню прыстасавалі пад склад збожжа, але аддалі вернікам ужо ў 1956 г., калі ў парафію прыбыў кс. Ян Грабоўскі, які ва Урачыстасць Звеставання Пана (25 сакавіка 1957 г.) нанава асвяціў мёрскі касцёл.
У святыні маюцца рэліквіі многіх святых, у тым ліку, св. Казіміра, св. Валянціна, св. Тэрэзы, св. Лаўрэнція, св. Крыштафа, св. Яна Боско, св. Андрэя Баболі і інш. Ёсць прыгожыя абразы: Маці Божай Ружанцовай, Юзафа з Дзіцяткам (пач. ХІХ ст.), Маці Божай Чанстахоўскай (1878 г.), Укрыжавання (ХІХ ст.). Каля касцёла знаходзіцца помнік ненароджанаму дзіцяці.
На тэрыторыі мёрскай парафіі знаходзяцца наступныя філіяльныя пункты: - у Вяце – невялікі драўляны касцёл пад тытулам св. Яна Хрысціцеля, пабудаваны ў 1934 г. (па некаторых звестках, у 1937 г.) (патрабуе рамонту; св. Імша ў ім адбываецца 3 разы на год);
- капліца на новых парафіяльных могілках у Мёрах
- у Прыброддзі – новы (пабудаваны ў 1933 г., адноўлены ў апошнія гады) філіяльны касцёл пад тытулам Найсвяцейшага Сэрца Пана Езуса – з 21.07.2003 г.
|
Лужкі — парафія Св. Арханёла Міхала |
| Фота radzima.org | Адрас: вул. Касцёльная, 40а в. Лужкі Шаркаўшчынскі р-н Віцебская вобл. Рэспубліка Беларусь 211926
Тэл.: +375 2154 38 3 59 яРасклад набажэнстваў (магчымы змены)
- Св. Імша ў нядзелю — 13.00
- Св. Імша ў будні — 17.00
Адпусты: успамін св. Арханёла Міхала – 29 верасня tЗ гісторыі парафіі
У паўднёва-ўсходняй частцы вёскі знаходзіцца касцёл пад тытулам св. Арханёла Міхала, пабудаваны з цэглы ў 1744–1756 гг. пры кляштары піяраў, якім уладальнік паселішча Лужкі, кашталян полацкі Валяр’ян Жаба, ахвяраваў фальварак Віснік, пляц пад кляштар і калегіум, а яго жонка ахвяравала 1000 злотых.
У 1832 г. кляштар валодаў 13 вёскамі з 330 жыхарамі. Сярод выкладчыкаў калегіума былі прафесары Віленскага універсітэта: К. Паслаўскі, доктар філасофіі А. Паўстанскі. У 1832 г. калегіум зачынілі, а піяраў выгналі.
У 1843 г. касцёл перабудавалі пад праваслаўную святыню, а пасля ІІ Сусветнай вайны і яе зачынілі. У будынку касцёла захоўваліся штучныя ўгнаенні.
У 1988 г. святыню вярнулі католікам і пасля аднаўлення яна зноў пачала дзейнічаць. Цяпер касцёл мае статус помніка архітэктуры позняга барока з характэрнымі рысамі і багаццем дэкаратыўнай пластыкі. Унутры скляпенні ўпрыгожаны арнаментамі і жывапісам. Галоўны алтар упрыгожвалі фігуры з дрэва, якія былі знішчаныя. Над уваходам знаходзяцца хоры, агароджаныя хвалістым парапетам.
|
Лявонпаль — парафія Хрыста Валадара Сусвету |
| Фота У. Багданава | Адрас: в. Лявонпаль Мёрскі р-н Віцебская вобл. Рэспубліка Беларусь 211287 фРасклад набажэнстваў (магчымы змены)
- Св. Імша ў першую нядзелю месяца —15.00
Адпусты: урачыстасць Хрыста – Валадара Сусвету лЗ гісторыі парафіі
Касцёл пад тытулам Хрыста Валадара знаходзіцца на адлегласці 30 км ад Мёраў, у даўнім палацы Лапацінскіх. Святая Імша адбываецца кожную нядзелю і святы.
|
Ідолта — парафія Найсвяцейшай Панны Марыі Шкаплерна |
| Фота А. Дыбоўскага | Адрас: вул. Мілашова, 1 в. Ідолта Мёрскі р-н Віцебская вобл. Рэспубліка Беларусь 211940 Тэл.: (8–02152) 23-151 вРасклад набажэнстваў (магчымы змены) - Св. Імша ў нядзелю — 09.00, 11.00, 13.00 (капліца ў Вялікім Дзедзіне), 15.00 (капліца ў Малым Дзедзіне)
- Св. Імша ў будні — 08.00
Адпусты: Маці Божай Шкаплернай – 16 ліпеня; успамін св. Ізыдара – 10 мая; урачыстасць Беззаганнага Зачацця Найсвяцейшай Панны Марыі – 8 снежня; урачыстасць Нараджэння св. Яна Хрысціцеля (капліца на паўвостраве) – 24 чэрвеня фЗ гісторыі парафіі
У 1939 г. у Ідолце быў пабудаваны касцёл у стылі мадэрн пад тытулам Маці Божай Шкаплернай. У ранейшых манаграфіях згадваецца касцёл пад тытулам Беззаганнага Зачацця Найсвяцейшай Панны Марыі.
Касцёл у Ідолце – прамавугольная пабудова, да якой дабудаваны дзве закрыстыі. Да галоўнага касцёла асіметрычна дабудаваны таксама квадратная вежа з белай цэглы і галерэя з аркадамі. Спалучэнне розных матэрыялаў і колераў надае святыні арыгінальны і цікавы знешні выгляд.
Абраз святога Ізыдара і 14 стацый Крыжовага шляху датуюцца сярэдзінай ХІХ ст.
|
Германавічы — парафія Перамянення Панскага |
| Фота А. Дыбоўскага
|
Адрас: вул. Энгельса, 1 в. Германавічы Шаркаўшчынскі р-н Віцебская вобл. Рэспубліка Беларусь 211924
Тэл./факс: +375 2154 39 2 71 ыРасклад набажэнстваў (магчымы змены)
- Св. Імша ў нядзелю — 09.30, Імша для дзяцей — 12.00
- Св. Імша ў будні на святы — 10.00
- Св. Імша ў будні: пн, ср, пт — 18.00; аўт, чр, сб — 10.00;
Адпусты: свята Перамянення Пана – 6 жніўня; урачыстасць святых апосталаў Пятра і Паўла – 29 чэрвеня; урачыстасць Звеставання Пана – 25 сакавіка; свята Адведзінаў Найсвяцейшай Панны Марыі – 31 мая (у капліцы ў Бальнове) ыЗ гісторыі парафіі
У некаторых манаграфіях, якія датычаць каталіцкіх святыняў на Беларусі, касцёл у Германовічах узгадваецца пад тытулам Звеставання Найсвяцейшай Панны Марыі. Аднак у касцёльным архіве прыводзіцца тытул Перамянення Пана.
Першы мураваны касцёл пад тытулам Перамянення Пана ў Германовічах быў пабудаваны ў 1787 г. у стылі позняга барока. Гэты помнік архітэктуры «віленскага барока» з’яўляецца творам Ігнацыя Зрыні-Шырына, пра што згадваюць гістарычныя хронікі. Касцёл мураваны, сярэдніх памераў, меў тры крыжы і мезанін, на якім значылася імя Панны Марыі на фоне промняў з металу. Унутры мясціліся тры галоўныя алтары і некалькі бочных, некалькі канфесіяналаў, а таксама арганы.
На працягу доўгага часу святыня не была парафіяльнай. Паводле польскіх касцёльных хронікаў, парафія ў Германовічах паўстала на пачатку ХІХ ст. і належала да Мінскай дыяцэзіі. Касцёл стаў парафіяльным у 1810 г. Паводле іншых дакументаў, на той час у Германовічах існаваў яшчэ адзін касцёл пад тытулам св. Апосталаў Пятра і Паўла і дзве драўляныя капліцы. У 2-й пал. ХІХ ст. у парафіі налічвалася 3013 вернікаў. З экспансіяй Расіі на захад касцёл св. Апосталаў Пятра і Паўла быў знішчаны, іншыя касцёлы перароблены ў праваслаўныя святыні. Касцёл пад тытулам Перамянення Пана ў Германовічах дзейнічаў да 1948 г., калі быў арыштаваны кс. Ян Грабоўскі, а святыню зачынілі і прыстасавалі пад іншыя патрэбы. Прыгожая фігура Маці Божай з галоўнага алтара трапіла ў музей з подпісам «Каралева XVII стагоддзя».
Аднак вера тутэйшых жыхароў перамагла: у верасні 1988 г. святыню вярнулі, 31 кастрычніка яе асвяціў кс. Люцыян Паўлік. У галоўным алтары зноў месціцца абраз Маці Божай, а вышэй – вітраж з фрагментам выявы Перамянення Пана. З правага боку ад алтара знаходзіцца фігура Пана Езуса, а з левага – місійны крыж, асвечаны ў 1992 г.
На тэрыторыі парафіі, на могілках у Бальнове, знаходзіцца таксама старадаўняя драўляная капліца пад тытулам Адведзінаў Найсвяцейшай Панны Марыі.
|
Дзісна — парафія Беззаганнага Зачацця Найсвяцейшай Панны Марыі |
| Фота А. Дыбоўскага | Адрас: вул. Пушкіна, 3 г. Дзісна Мёрскі р-н Віцебская вобл. Рэспубліка Беларусь 211950
Тэл.: (8–02152) 37672 ф Расклад набажэнстваў (магчымы змены) - Св. Імша ў нядзелю — 09.30
- Св. Імша ў будні — 18.00, зімой — у 15.00
Адпусты: урачыстасць Беззаганнага Зачацця Найсвяцейшай Панны Марыі – 8 снежня; успамін св. Тэклі – 23 верасня фЗ гісторыі парафіі
У 1630 г. шляхціц Полацкага ваяводства Крыштаф Малкевіч-Хялчоўскі запрасіў у Дзісну айцоў францішканцаў, пабудаваў для іх кляштар з касцёлам і званіцай. Гэта былі драўляныя будынкі, узнесеныя на беразе Дзвіны. Пасля ён падараваў ім маёнтак Клімоўшчыну.
У 1773 г. на месцы драўлянага касцёла францішканцы пабудавалі новы касцёл пад тытулам Беззаганнага Зачацця Найсвяцейшай Панны Марыі. Мураваная святыня памерамі 35х16 м мела сцены таўшчынёю 1,5 м.
Аднак у 1831 г. касцёл ліквідавалі, а законнікі былі вымушаны пакінуць горад. У 1839 г. святыню вярнулі вернікам як парафіяльную, а ў 1851 г. яна была кансэкравана біскупам Жылінскім.
Падчас пажару 1882 г. касцёл быў значна пашкоджаны, аднак ужо ў 1883 г. адбудаваны і асвечаны кс. Пятром Валіцкім.
У 1938 г. касцёл зноў прынялі францішканцы, але праз год, калі на гэтую зямлю прыйшлі савецкія войскі, іх душпарыская праца была спынена, а кс. Валяр’ян Міхно арыштаваны.
На пачатку ліпеня 1941 г., калі нямецкія войскі дайшлі да Дзвіны і там адбываліся ваенныя дзеянні, згарэлі плябанія, званіца і касцёльны дах.
Пасля вайны католікі Дзісны хацелі адбудаваць святыню, але ўлады не далі на гэта дазволу. У 1958 г. вайскоўцы ўзарвалі касцёл разам з пахаваннямі, якія знаходзіліся пад падлогай. Засталіся толькі тры сцяны, пярэдняя сцяна была разбураная.
У 80-я гады католікі Дзісны зрабілі прыбудоўку да паўднёвай сцяны, і такім чынам утварылася капліца ў закрыстыі былога касцёла. Да цяперашняга дня людзі моляцца ў ёй у нядзелі і святы. У траўні 2007 г. у касцёле адбываліся вялікія будаўнічыя работы. Парафія Беззаганнага Зачацця Найсвяцейшай Панны Марыі знаходзіцца за 44 км ад Мёраў.
На могілках ў 1990-я гг. пабудавана каталіцкая капліца, відаць, на месцы папярэдняй.
|
Друя — парафія Найсвяцейшай Тройцы |
Адрас: вул. Леніна, 54 г.п. Друя Браслаўскі р-н Віцебская вобл. Рэспубліка Беларусь 211960
Тэл.: (8–02153)25109 ф Расклад набажэнстваў (магчымы змены)
- Св. Імша ў нядзелю — 10.00
- Св. Імша ў будні: аўт, чц, сб — 09.00; пн, ср, пт — 19.00; у зімні час — аўт, чц, сб — 10.00; пн, ср, пт — 18.00
У капліцы Св. Міхала Арханёла св. Імша ў першую суботу месяца ў 12.00
Адпусты: успамін Маці Божай Анёльскай – 2 жніўня; урачыстасць Найсвяцейшай Тройцы чЗ гісторыі парафіі
На супрацьлеглым ад горада Друя беразе калісьці знаходзілася паселішча Прыдруйск, у якім быў прыгожы касцёл, а ў парафіі налічвалася каля 1670 вернікаў. У Друі на той час касцёла яшчэ не было.
Гісторыя друйскай парафіі пачалася з XVII ст. У 1633 г. Казімір Леў Сапега, ваявода віленскі і вялікі гетман літоўскі, намаганнямі якога ўзнесліся будынкі кляштара і святыні для законнікаў, запрасіў у Друю бэрнардынцаў і даў ім багаты фундуш маёнткамі. У 1706 г. (паводле іншых дакументаў – у 1690 г.) падчашы браслаўскі П. К. Качаноўскі зафундаваў у Друі кляштар дамініканцаў. У 1767 г. паводле праекта італьянскага архітэктара Паракі быў пабудаваны комплекс кляштара ў барочным стылі, у склад якога ўваходзіў касцёл св. Антонія.
Аднак у 1832 г. кляштар зачынілі, а ў 1839 г. усе яго будынкі былі перададзены праваслаўным. У канцы ХІХ ст. спустошаныя збудаванні пачалі ператварацца ў руіны, у 1909 г. касцёл узарвалі. Акрамя кляштара і касцёла св. Антонія ў Друі быў яшчэ парафіяльны касцёл пад тытулам Найсвяцейшай Тройцы, таксама зруйнаваны. Да 1945 г. усе друйскія святыні былі зачыненыя і ператварыліся ў руіны.
Барочны касцёл пад тытулам Найсв. Тройцы быў пабудаваны ў 1643–1646 гг., перабудаваны ў 2-й палове XVIII ст. Пасля касацыі кляштара ў 1852 г. з’яўляўся парафіяльным. У 1944 г. у святыню трапіла бомба. Пасля ІІ сусветнай вайны быў зачынены, пазней фармальна знаходзіўся ў распараджэнні мясцовага меліярацыйнага прадпрыемства, а на справе быў занядбаны і паступова разбураўся. Ад пажару і рабавання нішчылася каштоўная рухомая маёмасць святыні, у тым ліку, арганы ў стылі ракако, абразы XVII i XVIII стст., драўляная разьба. Асабліва каштоўныя былі званы: рэнесансны «Зыгмунт» 1520 г. і вялізны «Казімір», падараваны фундатарам святыні, зроблены на вядомым ліцейным заводзе Ганса Бехема ў Кракаве і паводле мясцовай традыцыі прывезены ў Друю на санях. «Казімірам» карысталіся толькі ў асаблівых выпадках: калі пачалася вайна, памёр папа альбо кароль. Абодва званы, як і шэраг іншых, мясцовыя парафіяне захавалі падчас сусветных войнаў, але яны былі знішчаныя ў савецкі перыяд. На адной з дзвярэй святыні дагэтуль можна прачытаць дату: 1619 г.
Святыня – трохнававая базыліка з паўкругла закрытым прэзбітэрыем і адной закрыстыяй, з дзвюма вежамі, прыгожым фасадам і трыма алтарамі – стаіць на стромкім беразе Дзвіны. Спераду да галоўнага корпуса прылягае дабудаваная ў 1772 г. манументальная чатырох’ярусная вежа, накрытая барочным купалам і фланкаваная на вышыні другога ўзроўню валютавымі сцёкамі, якія закрываюць верх бакавых наваў. Асобныя ярусы вежы аздоблены рознымі аконнымі праёмамі, хвалістымі гзымсамі і вуглавымі пілястрамі. Пілястры аздабляюць таксама і бочныя фасады святыні. Прэзбітэрый і бочныя сцены ўзмоцнены контрфорсамі.
У 1989 г. святыню вярнулі вернікам. Пачаўся рамонт, падчас якога быў адноўлены і часткова рэканструяваны ўнутраны дэкор у стылях барока і ракако. У інтэр’еры касцёла вылучаюцца познебарочны трох’ярусны галоўны алтар 1764–1767 гг. і амбона, а таксама чатыры бочныя алтары 1779 года ў стылі ракако. Захавалася таксама частка арыгінальных алебастравых аздабленняў скляпення XVII стагоддзя.
Да касцёла прымыкае двух’ярусны будынак кляштара, які разам са святыняй утварае замкнуты чатырохкутнік пабудоваў з унутраным дворыкам. Увесь комплекс абнесены агароджай з барочнай брамай 1778 года. Кляштар быў пабудаваны ў 1-й пал. XVII ст. і разбудаваны ў 2-й пал. XVIII ст. Вонкавы выгляд будынка сціплы, сцены адрозніваюцца толькі рызалітамі і прыбудовамі.
|
|
|