Часам можна пачуць, як жартаўліва Касцёл у Беларусі называюць «жаноча-каталіцкім». На жаль, часта так і ёсць: жанчын у святынях значна больш, а вось як заахвоціць мужчын, застаецца пытаннем.

Партал Catholic.by і газета Віцебскай дыяцэзіі «Каталіцкі Веснік» (падпісны індэкс 63783) арганізоўваюць фотаконкурс пад назвай «Мужчыны ў Касцёле: „Мы ёсць!“». Галоўная мэта — паказаць патрэбу ў мужчынах у касцёльным жыцці.

Спадзяёмся, што вашыя фотаздымкі дапамогуць развеяць стэраэатыпы і падкрэсляць, наколькі важнай і неад’емнай з’яўляецца дзейнасць мужчын у жыцці Касцёла.

Конкурс праводзіцца на партале Catholic.by. Здымкі можа дасылаць кожны. Пераможцаў вызначаць самі наведвальнікі сайта. Газета «Каталіцкі Веснік» абяцае ўзнагародзіць прызамі аўтараў лепшых прац. Пераможца конкурсу будзе аб’яўлены ва ўрачыстасць святога Юзафа — 19 сакавіка.

Запрашаем да ўдзелу ў конкурсе!

Умовы:

• на фотаздымках могуць быць мужчыны (не дзеці) любога ўзросту, акрамя духоўных асоб (дасылаем толькі свецкіх)
• пажадана дасылаць фотаздымкі, зробленыя не больш года таму
  
• фотаздымкі павінны быць уласнага аўтарства (просім не дасылаць чужыя фотаздымкі)
  
• фармат файлаў — JPG альбо PNG
• памеры — любыя
• апрацоўка — мінімальная (без мантажу, мастацкай апрацоўкі і штучных эфектаў)
• колькасць фотаздымкаў ад аднаго ўдзельніка — неабмежаваная (можна запоўніць форму некалькі разоў)
• арганізатары пакідаюць за сабой права папярэдняга адбору прац без тлумачэння рашэнняў
• працы, якія прайшлі мадэрацыю, адразу публікуюцца на сайте Catholic.by у адпаведным раздзеле і становяцца даступнымі для прагляду, аднак галасаванне распачнецца ў адпаведнасці з вызначаным тэрмінам
• галасаваць можа любы карыстальнік парталу, кожная праца можа быць ацэнена пэўнай колькасццю балаў (па змоўчанні — 0); перамагаюць працы, якія набралі найбольшую суму балаў.

Тэрміны:

• падача прац на конкурс — да 4 сакавіка
• галасаванне — з 5 па 15 сакавіка
• аб’яўленне вынікаў — 19 сакавіка.

Прагляд прац і галасаванне тут >>>