Сёння, 29 ліпеня 2010 г., у сваёй летняй рэзідэнцыі ў Кастэль Гандольфа (прыгарад Рыма) Святы Айцец Бэнэдыкт XVI убачыць фільм, прысвечаны 5 гадам яго Пантыфікату. Рэжысёр фільма — Майкл Мандлік, прадзюсер — прафесар Герхард Фукс.

Кінастужка прадстаўляе важныя моманты Пантыфікату Бэнэдыкта XVI ад хвіліны яго абрання на Святы Пасад па сённяшні дзень. Яна ахоплівае як тыя падзеі, што адбываліся ў Рыме, так і апостальскія падарожжы Папы.