Бэнэдыкт XVI: яўрэйскі народ не адказны за смерць Хрыста

Святы Айцец

04.03.2011 11:46

Пасольства Ізраіля пры Апостальскай Сталіцы выказала ўдзячнасць за словы Бэнэдыкта XVI, змешчаныя ў ІІ частцы кнігі «Езус з Назарэта», якія сцвярджаюць, што яўрэйскі народ не адказны за смерць Хрыста. Нядаўна ў прэсе была апублікавана частка новай кнігі Святога Айца, якая з’явіцца ў кнігарнях 11 сакавіка. У кнізе «Езус з Назарэта» Пантыфік прапаноўвае па-новаму паглядзець на словы, якія ў Евангеллі паводле Мацвея крычаў натоўп, патрабуючы ўкрыжаваць Хрыста: «Кроў Яго на нас і на дзецях нашых» (пар. Мц 27, 25). Па словах Папы, «кроў, пралітая Збаўцам, не патрабуе помсты і пакарання, яна прыносіць збаўленне». Уяўленне пра тое, што яўрэі адказныя за смерць Хрыста, Каталіцкі Касцёл афіцыйна асудзіў у дэкларацыі «Nostra Aetate», прынятую ўдзельнікамі Другога Ватыканскага Сабору і зацверджаную папам Паўлам VI у 1965 г. Аднак упершыню сам Святы Айцец выступае з падобнай тэалагічнай крытыкай дадзенай канцэпцыі.