Каталікос Усіх Армянаў Гарэгін ІІ запрасіў Бэнэдыкта XVI у Арменію

Святы Айцец

13.05.2008 19:27

Каталікос Усіх Армянаў Гарэгін ІІ, які да 13 мая 2008 г. знаходзіўся з афіцыйным візітам у Італіі, запрасіў Святога Айца Бэнэдыкта XVI наведаць Арменію і гістарычны цэнтр Армянскай Апостальскай Царквы — горад Эчміадзін. «Увесь армянскі народ будзе шчаслівы прыняць Вас у духоўным цэнтры ўсіх армянаў, дзе мы зможам разам узнесці да Пана нашыя малітвы», — звярнуўся да Пантыфіка іерарх Армянскай Царквы. 7 мая Каталікосу Усіх Армянаў Гарэгіну ІІ быў прысвоены тытул ганаровага доктара Папскага Салезіянскага універсітэта ў Рыме. На ўрачыстай цырымоніі прысутнічалі дзяржаўны сакратар Ватыкана кардынал Тарчызіо Бэртонэ і старшыня Папскай рады па садзейнічанні хрысціянскаму адзінству кадрынал Вальтэр Каспер. Паводле матэрыялаў інфармацыйных агенцтваў