Catholic.by - У Ватыкане прысудзілі «сацыяльную» прэмію

Гэта архіў старой версіі сайта. Новая версія знаходзіцца па адрасе catholic.by

У Ватыкане прысудзілі «сацыяльную» прэмію

27.02.2015 11:57

26 лютага ў Рыме адбудзецца цырымонія ўручэння міжнароднай прэміі ватыканскага фонда «Centessimus Annus — Pro Pontifice» за дасягненні ў развіцці сацыяльнага навучання Касцёла. Узнагарода «Эканоміка і грамадства» прысуджана французскаму эканамісту, банкіру і гісторыку Пьеру дэ Лазэну за кнігу «Фінансы. Хрысціянскі пункт гледжання. Ад сярэднявечных банкаў да фінансавай глабалізацыі» (Finance. Un regard chrétien. De la banque médiévale à la mondalisation financière).

Пьер дэ Лазэн з’яўляецца аўтарам каля дзесяці кніг, прысвечаных праблемам эканомікі, фінансаў і дэмакратыі. У сваіх працах ён прадстаўляе гэтыя тэмы ў святле Святога Пісання, навучання Айцоў Касцёла, сярэднявечных тэолагаў і каталіцкай сацыяльнай дактрыны.

Спецыяльнымі прэміямі ватыканскага фонда будуць адзначаны таксама два маладых навукоўцы: Аляксандр Штумфоль з Германіі за даследванне, прысвечанае ўплыву сацыяльнага навучання Касцёла на міжнародныя адносіны, і Артура Бэлак Мантаньё з Уругвая за працу аб навуковай прыродзе сацыяльнай дактрыны. Узнагароды лаўрэатам уручыць Дзяржсакратар Святога Пасаду кардынал Пьетро Паралін.

Фонд «Centessimus Annus — Pro Pontifice» быў заснаваны св. Янам Паўлам ІІ у 1993 г. з мэтай садзейнічання пашырэнню ведаў аб сацыяльным навучанні Касцёла і яго рэалізацыі ў палітычнай і эканамічнай сферах.

Паводле беларускай рэдакцыі Ватыканскага Радыё, (AYU)

для друку

Пры выкарыстанні матэрыялаў сайта спасылка на Catholic.By абавязкова.

Дзяржава Ватыкан

05.07 09:38	Намінаваны на «Оскар» фільм пра Папу прадставілі ў Ватыкане
22.06 13:38	Кардынал Пьетра Паралін наведае Маскву і сустрэнецца з Прэзідэнтам Расіі
21.06 12:56	Генеральны рэвізор Святога Пасаду падаў у адстаўку
06.06 14:59	У Ватыкане каментуюць выхад ЗША з Парыжскага пагаднення
01.06 15:15	Ватыкан занепакоены магчымым выйсцем ЗША з кліматычнага пагаднення
24.05 09:12	Папа Францішак на адкрыцці асамблеі епіскапату Італіі: будзьце максімальна шчырымі і адкрытымі на дыялог
18.05 17:09	Ватыканскаму мастацтвазнаўцу ўручаць беларускі ордэн
18.05 14:45	Папа Францішак і біскупы COMECE: Еўропе пагражае распад і экстрэмізм
12.05 11:02	У Ватыкане выпусцяць манету ў гадавіну смерці святых Пятра і Паўла
27.04 11:28	Ватыкан: кардыналу Ёзафу Ратцынгеру пагражалі смерцю пасля яго крытыкі тэалогіі вызвалення

Ватыканскае радыё