Важна не паддавацца страху, бо менавіта гэтага жадаюць тэрарысты, адзначыў Дзяржаўны Сакратар Папы Францішка кардынал П'етро Паралін пасля сустрэчы, прысвечанай бяспецы ў Рыме падчас Юбілейнага Году Міласэрнасці, у якой прыняў удзел. Нарада прайшла 18 лістапада ў адміністрацыі італьянскай сталіцы.

Бліжэйшы супрацоўнік Святога Айца адзначыў, што трэба вярнуцца да нармальнага жыцця. Гэта, па словах кардынала, можа быць лепшым адказам на феномен тэрарызму.

Выконваючы абавязкі мэра Рыма, камісар-прэфект Франчэско Паоло Тронка адзначыў, што падзеі, які адбыліся ў Францыі, абумовілі максімальную ўвагу да праблемы бяспекі ў Італіі. Рым ганарыцца магчымасцю правядзення Юбілейнага Года, і гэтая падзея, па словах камісара-прэфекта, будзе дасканалай з арганізацыйнага пункту гледжання.

Паводле беларускай рэдакцыі Ватыканскага радыё, (AYU)