19 снежня Дзяржаўны Сакратар Папы Францішка кардынал П’етро Паралін наведаў ватыканскую педыятрычную клініку «Дзіцяткі Езуса» («Bambino Gesu»), каб скласці віншаванні з надыходзячай урачыстасцю Божага Нараджэння яе супрацоўнікам і пацыентам.

Сапраўдная місія гэтай медыцынскай структуры заключаецца ў тым, каб несці хворым дзецям любоў, поўную пяшчотнасці, падкрэсліў бліжэйшы супрацоўнік Святога Айца.

Падчас візіту было пацверджана, што з 21 снежня 2015 г. ватыканскі геліапорт пачне выкарыстоўвацца для тэрміновых патрэбаў педыятрычнай клінікі і транспартыроўкі органаў.

Кардынал П’етро Паралін таксама перадаў кіраўніцтву медыцынскай установы 150 тыс. еўра ў якасці дару ад былога Дзяржсакратара Яго Святасці Папы кардынала Тарчызіо Бертонэ. Гэтыя фінансавыя сродкі будуць выкарыстаны на праекты па вывучэнні рэдкіх хваробаў.

Паводле беларускай рэдакцыі Ватыканскага радыё

(AG)