Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Папскія базылікі Рыма стануць пратаганістамі 3D-фільма
Дзяржава Ватыкан
05.04.2016 14:45

«Базыліка св. Пятра і папскія базылікі Рыма» — так называецца новы фільм, зняты пры супрацоўніцтве Ватыканскага тэлецэнтра і кампаніі «Sky 3D».

Трохвымерны фармат, у якім ён зроблены, дапаможа гледачам зрабіць сапраўдны кінематаграфічны тур па святынях і пазнаёміцца са скарбамі мастацтва Вечнага горада, паведамілі стваральнікі.

Першыя паказы пройдуць у Італіі 11-13 красавіка, затым 90-хвілінную стужку ўбачаць у больш чым 50 краінах. Акрамя 3D, яна зроблена ў фарматах 4K і HD. Рэжысёрам выступіў Лука Віоці.

Фільм утрымлівае падрабязнае апісанне інтэр’еру базылік, іх эвалюцыю на працягу стагоддзяў, ілюструе творы мастацтва, якія захоўваюцца ў іх, і характэрныя рысы мастакоў, якія працавалі над стварэннем шэдэўраў: Джота, Брамантэ, Мікеланджэла, Берніні, Даменіка Фантана.


У стварэнні фільма дапамаглі трохмерныя мадэлі арыгінальных праектаў, якія часткова захаваліся ў Ватыканскай апостальскай бібліятэцы: напрыклад, каланада плошчы св. Пятра, якую зрабіў Берніні, і арыгінальныя праекты базылікі св. Яна на Латэране, рэалізаваныя Бараміні.

Выкарыстаныя ў стужцы тэхналогіі дазваляюць таксама ўбачыць і ацаніць схаваныя дэталі мастацкіх каштоўнасцяў, такія, як подпіс Мікеланджэла на знакамітай скульптуры П’ета з ватыканскай базылікі.

Паводле беларускай рэдакцыі Ватыканскага радыё (АлГ)

 

Пры выкарыстанні матэрыялаў сайта спасылка на Catholic.By абавязкова.