12 красавіка Папа Францішак прызначыў новага Апостальскага Нунцыя ў Злучаных Штатах Амерыкі. Ім стаў арцыбіскуп Крыстоф Луі Іў Жорж П’ер, які да гэтага часу быў дыпламатычным прадстаўніком Святога Пасаду ў Мексіцы.

69-гадовы іерарх французскага паходжання знаходзіцца на дыпламатычнай службе Апостальскай Сталіцы з 1973 г., калі распачаў вучобу ў Папскай касцёльнай акадэміі.

У 1995 г. быў прызначаны Янам Паўлам II Апостальскім Нунцыем на Гаіці, а ў 1999 годзе быў пераведзены ва Уганду. Дыпламатычным прадстаўніком Папы ў Мексіцы арцыбіскуп П’ер быў з 2007 года.

На пасадзе Апостальскага Нунцыя ў ЗША іерарх замяніў арцыбіскупа Карло Марыю Вігано, які сышоў на пенсію.

Паводле беларускай рэдакцыі Ватыканскага радыё,

(MV)