16 красавіка Папа Францішак павіншаваў свайго папярэдніка і заклікаў маліцца за Папу на пенсіі Бэнэдыкта XVI.

Бэнэдыкт XVI быў першым за апошнюю тысячу гадоў Пантыфікам нямецкага паходжання і найстарэйшым на момант абрання Папам Рымскім з часоў  Клімента XII. У год выбрання кардыналу Ратцынгеру было 78 гадоў, 28 з якіх ён ужо з’яўляўся кардыналам і некаторы час займаў пасаду дэкана Калегіі кардыналаў.

Кардынал Ёзаф Ратцынгер, які быў адным з найбліжэйшых да Папы Яна Паўла ІІ тэолагаў і ўзначальваў Кангрэгацыю дактрыны веры, быў абраны Папам Рымскім у 2005 годзе і прабыў на гэтай пасадзе да 2013 года, калі сышоў у адстаўку, спасылаючыся на праблемы са здароўем.

І хоць зараз іерарх рэдка выходзіць у свет, яго трапныя ацэнкі і дакладныя фармулёўкі дагэтуль прыцягваюць увагу вернікаў.

(АлГ)