Бэнэдыкт XVI прызначыў новага арцыбіскупа Рыгі

Святы Айцец

21.06.2010 12:26

Бэнэдыкт XVI прыняў прашэнне аб вызваленні ад пастырскага кіраўніцтва 79–гадовага кардынала Яніса Пуятса, Мітрапаліта Рыжскага, у адпаведнасці з Кодэксам Кананічнага Права, кан. 401, § 1. З уходам на пенсію Мітрапаліт пакідае таксама пост старшыні Канферэнцыі Каталіцкіх Біскупаў Латвіі. Новым арцыбіскупам Рыгі Святы Айцец прызначыў Збігнева Станкевіча, дырэктара Рыжскага вышэйшага інстытута рэлігіязнаўства. Пасвячэнне новага арцыбіскупа адбудзецца 8 жніўня 2010 г. у рыжскім катэдральным касцёле св. Якуба, а ўрачыстае ўступленне на пасаду запланавана на 21 жніўня.