Фота Аўдыё Відэа  
be  ru  pl  en  de info@catholic.by
Гэта архіў старой версіі сайта. Новая версія знаходзіцца па адрасе catholic.by
Пантыфік зацвердзіў беатыфікацыйныя дэкрэты
Святы Айцец
28.03.2013 15:38

Падчас сустрэчы з прэфектам Кангрэгацыі па справах Кананізацыі кардыналам Анджэла Амата папа Францішак зацвердзіў 15 дэкрэтаў аб беатыфікацыі і прызнанні Слугамі Божымі 70 чалавек — галоўным чынам ахвяраў грамадзянскай вайны ў Іспаніі, камуністычных рэжымаў ва Усходняй Еўропе і нацысцкага рэжыму ў Германіі.

Як паведамляе Ватыканскае радыё, сярод будучых благаслаўленых святары, семінарысты, законнікі і законніцы, свецкія вернікі з Іспаніі, Італіі, Германіі, Партугаліі, Польшчы, Румыніі, Венгрыі і Мексікі.

Адным з падпісаных дэкрэтаў Папа пацвердзіў прызнанне цуду, здзейсненага нямецкай законніцай Марыяй Тэрэзай Бонзэль. Большасць дэкрэтаў датычаць прызнання мучаніцтва ахвяраў грамадзянскай вайны ў Іспаніі. Таксама Святы Айцец пацвердзіў мучаніцтва румынскага святара Уладзіміра Гіка, забітага камуністычнымі ўладамі ў Бухарэсце ў 1954 г. Сярод новых мучанікаў ёсць і свецкі вернік Стэфана Сандар, забіты за веру камуністычнымі ўладамі ў Венгрыі.

(AG)

 

Пры выкарыстанні матэрыялаў сайта спасылка на Catholic.By абавязкова.

Спасылкі па тэме