Папа Францішак жадае, каб ранейшыя кіраўнікі ведамстваў Рымскай Курыі, іх сакратары, члены гэтых ведамстваў часова працягвалі выконваць свае абавязкі да хвіліны, калі з’явяцца іншыя пастановы. Аб гэтым паведаміла Прэс-служба Апостальскай Сталіцы.

Паінфармавана таксама, што Пантыфік плануе прысвяціць некаторы час роздумам і малітве, каб пасля прыняць рашэнне адносна гэтых прызначэнняў.

Раней, з хвіліны заканчэння Пантыфікату Бэнэдыкта XVI, усе кіраўнікі ведамстваў Рымскай Курыі, у тым ліку Дзяржаўны сакратар, прэфекты кангрэгацый, старшыні Папскіх радаў і члены гэтых ведамстваў аўтаматычна спынілі выкананне сваіх функцый.

(AG)