Бэнэдыкт XVI прыняў адстаўку Патрыярха Антыёхіі

Святы Айцец

28.02.2011 12:51

26 лютага 2011 г. Святы Айцец прыняў адстаўку кардынала Насраллаха П’ера Сфеіра з пасады мараніцкага Патрыярха Антыёхіі. Заяўленне аб адстаўцы кіраўнік Каталіцкага Касцёла мараніцкага абраду склаў на рукі Бэнэдыкта XVI яшчэ ў сярэдзіне студзеня гэтага года. Мараніцкі Касцёл з’яўляецца нацыянальным веравызнаннем ліванскіх хрысціянаў і налічвае каля паўтара мільёны вернікаў з 4 мільёнаў жыхароў. Сядзіба Патрыярха знаходзіцца ў Бкіркі, непадалёк ад Бейрута. Мараніцкі Касцёл налічвае 4 архідыяцэзіі і 7 дыяцэзій у Ліване, а таксама 4 архідыяцэзіі, 9 дыяцэзій і 2 экзархаты ў 11 краінах Блізкага Усходу, абедзвюх Амерык і Аўстраліі.