1 чэрвеня 2011 г. Святы Айцец Бэнэдыкт XVI стварыў дыяцэзію Навірай у Бразіліі. Дадзеная тэрытарыяльная адзінка Каталіцкага Касцёла ўтварылася з часткі дыяцэзіі Даўрадос і ўвайшла ў склад Мітраполіі Кампо Грандэ як яе суфраганія (г. зн. з правам голасу).

Біскупам для новаўтворанай дыяцэзіі Пантыфік прызначыў а. Этторэ Доцці — святара з Італіі.

Паводле інфармацыі Беларускай рэдакцыі Ватыканскага радыё, дыяцэзія Навірай ахоплівае тэрыторыю ў 35 тысяч квадратных кіламетраў, на якой пражывае каля 300 тысяч чалавек, з якіх 197 тысяч — католікі.