12 верасня 2011 г. Бэнэдыкт XVI прызначыў канцлерам Папскай акадэміі жыцця Рэнцо Пегарара, дацэнта біяэтыкі тэалагічнага факультэта ва ўніверсітэце Трывінэта і дырэктара па навуцы фонда Ланца ў Падуі.

Папская акадэмія жыцця была заснавана ў 1994 г. па ініцыятыве папы Яна Паўла ІІ з мэтай вывучэння тэм, звязаных з абаронай жыцця, а таксама спрыяння развіццю і пашырэнню культуры біяэтыкі згодна з навучаннем Касцёла і прынцыпамі хрысціянскай маральнасці.

У склад установы, як паведамляе Беларуская рэдакцыя Ватыканскага радыё, уваходзяць 70 пастаянных членаў, якіх прызначае Папа. Дырэктарам Акадэміі жыцця з 2010 г. з’яўляецца іспанскі біскуп Ігнасіо Карраска дэ Пауло.