Святы Айцец Бэнэдыкт XVI надаў нямецкай дабрачыннай арганізацыі «Kirche im Not» («Дапамога Касцёлу ў Патрэбе») статус Папскага фонду. Цяпер у Ватыкане (хоць галоўны офіс застанецца ў Германіі) з’явіцца штаб-кватэра.

Прэзідэнтам фонду Пантыфік прызначыў прэфекта Кангрэгацыі па справах Духавенства кардынала Маўро П’ячэнца.

У пасланні, якім быў устаноўлены новы фонд, Бэнэдыкт XVI нагадаў, што «Kirche in Not» аказвае дапамогу касцёльным супольнасцям і вернікам ужо на працягу некалькіх дзясяткаў гадоў.

Арганізацыя ўзнікла пасля Другой сусветнай вайны. Цяпер яе падтрымліваюць  600 тысяч добраахвотнікаў і спонсараў. Фонд фінансуе 5 тысяч праектаў ў 140 дзяржавах.